БОЗДИДИ ҲАЙАТИ ВИЛОЯТИ ТОМСКИ ФЕДЕРАТСИЯИ РОССИЯ

2025-08-28

27 августи соли 2025 ҳайати вилояти Томски Федератсияи Россия тибқи барномаи сафар ба Маркази рушди малакаҳо дар ноҳияи Данғара ташриф оварданд. Ҳадафи ташрифи меҳмонон шиносоӣ бо фаъолияти марказ мебошад. Намояндагони ҳайат аз раванди баргузории курсҳои касбомӯзӣ, синфхонаҳои забономӯзӣ, устохонаҳои таълимӣ дидан намуданд. Диққати махсуси меҳмононро синфхонаи забони русӣ ҷалб намуд.

Дар фарҷоми ташриф намояндагони ҳайат қаноатмандии хешро аз шароити марказ, ки барои соҳибкасб шудан имконияти хуб медиҳад изҳор намуда, ҷиҳати тақвияти ҳамкориҳо миёни ду давлат таманниёт намуданд.