ДАР ЛОИҲА СЕМИНАР ОИД БА ТАҲИЯИ МАВОДИ ТАЪЛИМӢ БАРГУЗОР ГАРДИД

   Рӯзҳои 8-9 июни соли 2023 дар Гурӯҳи идоракунии Лоиҳаи «Беҳтарсозии малакаҳои касбӣ ва имкониятҳои бокортаъминшавӣ» семинар дар мавзӯи «Баланд бардоштани донишҳо оид ба таҳияи маводи таълимӣ дар асоси ТАС» барои таҳиягарон/фасилитаторони маводи таълимӣ дар асоси ТАС баргузор гардид. Ҳамзамон, дар чорабинии мазкур кормандони МД «Маркази таълимӣ-методӣ ва мониторинги сифати таълим» ва МД «Маркази таълими калонсолони Тоҷикистон» иштирок намуданд.

   Дар рафти семинар Ҷоашим Вагнер – мутахассиси байналмилалӣ оид ба рушди малакаҳо ва мутахассисони лоиҳа вобаста ба принсипҳоҳангоми тарҳрезии маводи таълимӣ дар асоси ТАС, асосҳои қабул, мутобиқсозӣ ва таҳияи маводи таълимӣ/омӯзишӣ, қадамҳо барои ҷамъоварӣ, баррасӣ, интихоб ва тағйир додани маводи мавҷудаи таълимӣ ё омӯзишӣ, намунаи элемент/воҳиди омӯзиш, рамзгузории модулҳои омӯзишӣ ва унсурҳои/воҳидҳои омӯзишӣ, таҳлили SWOT: оид ба маводи таълимӣ ва ғайраро ба ҳозирин муаррифӣ карданд.

   Иштирокчиён аз таҷрибаи хеш доир ба таҳияи маводи таълимӣ мисолҳо оварда, фарқият ва бартарияти усули ТАС-ро дар раванди таҳияи маводи таълимӣ гуфта баромаданд. Зимни кори гурӯҳӣ фасилитаторон бо истифода аз воситаи арзёбӣ яке аз маводи таълимии анъанавиро таҳлил ва рӯнамоӣ карданд.